राज्य : राष्ट्रपती श्रीमती द्रौपदी मुर्मू जी यांनी आदि महोत्सवाचे उद्घाटन केले. यावेळी माननीय आदिवासी कार्य मंत्री श्री अर्जुन मुंडा जी आणि केंद्रीय आरोग्य व कुटुंब कल्याण आणि आदिवासी विकास राज्यमंत्री डॉ भारती पवार कार्यक्रमात सहभागी झाले होते. आदि महोत्सव हा आदिवासी उद्योजकता, कला, संस्कृती, परंपरा या भावनेचा उत्सव आहे. असे उत्सव आदिवासी समाजाला मुख्य प्रवाहात आणण्याच्या क्षमतेला नवी उंची देत आहेत.माननीय पंतप्रधान श्री नरेंद्र मोदी जी यांच्या नेतृत्वाखाली भारत आज आदिवासी परंपरांना त्यांचा वारसा आणि अभिमान म्हणून जागतिक पटलावर सादर करत आहे.यावेळी बोलताना राष्ट्रपती म्हणाल्या की,जगभरातील आदिवासी समुदाय शतकानुशतके निसर्गाच्या सान्निध्यात राहत आहेत. आपले आदिवासी बंधू-भगिनी आजूबाजूचे वातावरण, झाडे, वनस्पती, प्राणी यांची त्यांच्या जीवन चक्राच्या प्रत्येक बाबतीत काळजी घेत आहेत. त्यांच्या जीवनशैलीतून आपण प्रेरणा घेऊ शकतो. आज जेव्हा संपूर्ण जग ग्लोबल वॉर्मिंग आणि हवामान बदलाची समस्या सोडवण्यासाठी प्रयत्नशील आहे, तेव्हा आदिवासी समाजाची जीवनशैली अधिक अनुकरणीय बनते.राष्ट्रपती म्हणाल्या की तंत्रज्ञानाचे आधुनिक युगात एक महत्त्वपूर्ण योगदान आहे. तंत्रज्ञानामुळे आपले जीवन सोपे झाले आहे. समाजातील सर्व लोकांचा, विशेषत: वंचित घटकांचा शाश्वत विकास आणि सर्वांगीण विकास करण्यासाठी तंत्रज्ञानाचा वापर करण्याचा आपल्या सर्वांचा प्रयत्न असायला हवा.
