नाशिक : एस. एन. पी. टी. इन्स्टिटय़ूट ऑफ फार्मसीत “मेन्टालाइट २K२५” -फार्मा प्रोडिजी: “जीपॅट मार्गदर्शन एका उज्ज्वल भविष्यासाठी” विद्यार्थ्यांसाठी प्रेरणादायक मार्गदर्शन कार्यक्रम आयोजित ” या वेळी एस. एन. पी. टी. इन्स्टिटय़ूट ऑफ फार्मसीने ३ फेब्रुवारी २०२५ रोजी “मेन्टालाइट २K२५” -फार्मा प्रोडिजी: “जीपॅट मार्गदर्शन एका उज्ज्वल भविष्यासाठी” हा विद्यार्थ्यांसाठी प्रेरणादायक मार्गदर्शन कार्यक्रम आयोजित केला. हा कार्यक्रम, माननीय श्रीमती नर्मदाबेन पोपटलाल टक्कर यांच्या ८१ व्या वाढदिवसाच्या औचित्याने साजरा करण्यात आला. या कार्यक्रमाची रूपरेषा होती ‘फार्मा प्रोडिजी: “जीपॅट मार्गदर्शन एका उज्ज्वल भविष्यासाठी”, ज्यावर प्रमुख वक्ते डॉ. हरून पटेल आणि डॉ. मिलिंद वाघ यांनी विद्यार्थ्यांना प्रेरित करणारे व मार्गदर्शन करणारे भाषण दिले. या व्याख्यानात जीपॅट (GPAT) परीक्षेत उत्तीर्ण होण्यासाठी विद्यार्थी कसे तयारी करू शकतात, त्यासाठी कोणत्या युक्त्या आणि तयारीचे मार्गदर्शन महत्त्वाचे आहेत, यावर सखोल चर्चा केली. ही संधी गमावू नका! जीपॅट साठी आपल्या तयारीला धार द्या आणि आपल्या भविष्याची दिशा उज्ज्वल करा. विद्यार्थ्यांसाठी एक उत्तम शिकवणी आणि प्रेरणा मिळवण्याची ही अनमोल संधी आहे. तिसऱ्या व अंतिम वर्ष बी.फार्मसीच्या विद्यार्थ्यांनी या कार्यक्रमात सक्रियपणे भाग घेऊन आणि शंकांचे निरसन करून घेतले, ज्यामुळे त्यांना त्यांच्या भविष्याबद्दल अधिक स्पष्टता मिळाली. कार्यक्रमाने विद्यार्थ्यांच्या करिअरच्या दिशेने एक सकारात्मक दृष्टिकोन निर्माण केला, आणि सर्व उपस्थितांनी या उपक्रमाचे कौतुक केले. प्रा. डॉ. मनीषा तायडे व प्रा. डॉ. रूपाली ढिकले यानी या कार्यक्रमाचे यशस्वीरीत्या आयोजन केले.यावेळी कार्यक्रमासाठी संस्थेचे अध्यक्ष मा. श्री.नरेंद्रभाई ठक्कर, सचिव मा. श्री. देवेंद्रभाई पटेल, फार्मसी विभागाचे सचिव मा. श्री. उपेंद्रभाई दिनानी, संस्थेचे संयुक्त सचिव मा. श्री. अभयभाई चोक्सी मा. श्री. राजेशभाई टक्कर व प्राचार्य. डॉ. विशाल गुलेचा यांनी शुभेच्छा दिल्या आणि भविष्यात अशा उपक्रमांचे आयोजन करण्याचे आश्वासन दिले.
