अहमदनगर (सुनिल नजन /चिफब्युरो/ अहिल्यानगर जिल्हा) अहमदनगर जिल्ह्यातील पाथर्डी तालुक्यातील श्रीक्षेत्र मढी येथील एकमुखी दत्त श्रीपाद वल्लभ संस्थान यांच्या वतीने दि.4 ते16 नोव्हेंबर या काळात भव्य पायी दिंडी सोहळ्याचे आयोजन करण्यात आले आहे.शेवगाव तालुक्यातील वडुलेखुर्द येथुन चार तारखेपासून या दिंडी सोहळ्याचे प्रस्थान होणार आहे. दि.5 तारखेला दत्ताच्या पादुका असलेल्या रथाची मढी येथिल एकमुखी दत्त मंदिरात विधीवत पुजा होउन ही दिंडी गाणगापुरच्या दिशेने मार्गस्थ होणार आहे. संपुर्ण महाराष्ट्रातील आणि श्रीक्षेत्र मढी पंचक्रोशीतील ज्या भाविकांना या दिंडी सोहळ्यात सहभागी व्हावयाचे असेल त्यांनी एकमुखी दत्त संस्थानशी 9922710766/8600493434/7972122679 या मोबाईल नंबरवर संपर्क साधावा.आणि आपले आधार कार्ड व फोटोदेउन ओळखपत्र तयार करून घेउन जावे व या दिंडी सोहळ्यात सहभागी व्हावे असे आवाहन एकमुखी दत्त संस्थानचे अध्यक्ष मुनिवर्य पोपट महाराज यांनी केले आहे. या दिंडी सोहळ्यात सहभागी होणाऱ्या प्रत्येक सदस्याने दिंडी आयोजकांनी घालून दिलेल्या नियमांचे काटेकोरपणे पालन करणे बंधनकारक राहील.गिरणार प्रदक्षिणा पर्वणीकाळ,आणि गाणगापुर दत्त देवस्थान पादुका मादुकगीरी पर्वणी काळ या दोन्ही गोष्टीचे औचित्य साधून या भव्य दिव्य पायी दिंडी सोहळ्याचे दत्त पादुकांच्या मिरवणुकीने या रथयाञेचे आयोजन करण्यात आले आहे.
