🌹शाळा क्र. ७१ मध्ये दप्तरमुक्त शनिवार “गणपती विशेष दप्तरमुक्त शनिवार” म्हणून साजरा🌹

नाशिक : 👉नाशिक मनपा शिक्षण विभाग प्रशासनाधिकारी मा. बी.टी. पाटिल साहेब यांच्या प्रेरणेने हिंदूहृदयसम्राट मा. बाळासाहेब ठाकरे विद्याप्रबोधिनी मनपा शाळा क्र. ७१ मध्ये दप्तरमुक्त शनिवार “गणपती विशेष दप्तरमुक्त शनिवार” म्हणून विविध उपक्रमांनी साजरा करण्यात आला. उपक्रमात इ.१ ली ते ८ वी च्या विद्यार्थ्यांसाठी दोन गटात गणपती स्तोत्र स्पर्धा घेण्यात आली. त्यात लहान गटात प्रज्ञेश बकरे – प्रथम, जान्हवी रहाणे- द्वितीय, आनंदी मंडलिक- तृतीय व मनिष पाटिल- उत्तेजनार्थ म्हणून तर मोठ्या गटात शिवांगी वाघ- प्रथम, वैष्णवी गायकवाड – द्वितीय, तनिष्का दहिवाळकर- तृतीय यांना विजयी घोषित करण्यात आले.
तसेच इ.१ ली ते ८ वी च्या विद्यार्थ्यांसाठी दोन गटात गणपती रांगोळी स्पर्धा घेण्यात आली. त्यात विद्यार्थ्यांनी रांगोळीच्या माध्यमातून गणपती बाप्पाची विविध रुपे सुंदररित्या चितारली होती. या स्पर्धेत लहान गटात आनंदी मंडलिक -प्रथम, अनुजा रणबावळे -द्वितीय, भाग्यश्री पाटील – तृतीय, आर्या चौधरी, पल्लवी वानखेडकर -उत्तेजनार्थ यांना तर मोठ्या गटात निकिता पाटिल – प्रथम, देवयानी पाटिल – द्वितीय, खुशी शिंदे – तृतीय, सकलेन खाटिक – उत्तेजनार्थ यांना विजयी घोषित करण्यात आले.
तद्नंतर इ.१ ली ते ८ वी च्या विद्यार्थ्यांसाठी दोन गटात गणपती विशेष प्रश्नमंजुषा स्पर्धा घेण्यात आली. या स्पर्धेत लहान गटात मयुरेश्वर गट तर मोठ्या गटात चिंतामणी गट विजयी घोषित करण्यात आला.तसेच इ. १ ली च्या विद्यार्थ्यांनी सुंदर ठसेकाम व गणपती बाप्पा चित्ररंगभरण हे वर्गस्तर उपक्रम तर दुसरीच्या विद्यार्थ्यांनी आवडत्या गणपती बाप्पाचे स्केच काढणे हे वर्गस्तर उपक्रम घेतले.वरील उपक्रम यशस्वी करण्यासाठी मुख्याध्यापक बाळासाहेब सातपुते यांच्या मार्गदर्शनाखाली किसन काळे, विनोद मेणे, प्रमिला देवरे, शोभा मगर, कविता वडघुले, सुवर्णा थोरात, शैलजा भागवत, रुपाली ठोक, योगिता खैरे, वर्षा सुंठवाल, किर्तीमाला भोळे, संध्या जाधव, सुनिता धांडे, प्रविण गायकवाड यांनी परिश्रम घेतले.