मुंबई (प्रतिनिधी – महेश्वर तेटांबे)
देशातील पहिली टेनिस बॉल क्रिकेट व्यावसायिक लीग मुंबईत होणार आहे. ही लीग इटर्नल कल्चरद्वारे चालवली जात आहे
इटरनल कल्चरचे संस्थापक नीरज धीर यांनी सांगितले की, या लीगची खास गोष्ट म्हणजे या लीगमध्ये मुलांव्यतिरिक्त मुलीही खेळणार आहेत. इटर्नल कल्चरच्या सह-संस्थापक पियाली रॉय यांनी सांगितले की, लीगच्या चाचण्या मुंबई, पुणे, दिल्ली, कोलकाता, चेन्नई, अहमदाबाद, गोवा आणि हैदराबाद येथे होणार आहेत.
ही लीग प्रतिभावान खेळाडूंसाठी राष्ट्रीय स्तरावर आपली प्रतिभा दाखवण्यासाठी एक मोठे व्यासपीठ आहे, ज्यामध्ये ते करिअर करू शकतील.लीगचे प्रमुख सल्लागार डॉ. योगेश नाईक यांनी सांगितले की, मुंबईच्या चाचण्यांसाठी नोंदणी सुरू झाली आहे. या लीगमध्ये प्रेस वेल्फेअर फाऊंडेशन ट्रस्टची महत्त्वाची भूमिका आहे या लीगदरम्यान अनेक समाजोपयोगी कार्यक्रमही आयोजित केले जाणार आहेत. अनिल तांबोळी, अक्षरा फाउंडेशनचे संस्थापक अमोल वंजारे, सुनील सैतवाल, साहिल दळवी, सौरव एलवार, राजेंद्र सावंत, उद्योगपती अंकुर पारेख, आकाश पारेख, प्रतीक पवार, किसन बूसवाला, आफरीन पडन्या, रविता सिंग यांचाही लीगच्या आयोजनात सहभाग आहे.
